OnionShare é unha ferramenta de código aberto para enviar e recibir ficheiros de forma segura e anónima mediante os servizos Tor onion. Funciona iniciando un servidor web directamente no teu ordenador e facéndoo accesible como un enderezo web de Tor inadvertible que outros poden cargar no navegador Tor para descargar ficheiros de ti ou cargarche ficheiros. Non require configurar un servidor separado, usar un servizo de intercambio de ficheiros de terceiros nin sequera iniciar sesión nunha conta.

A diferenza de servizos como o correo electrónico, Google Drive, DropBox, WeTransfer ou case calquera outra forma en que as persoas normalmente se envían ficheiros entre si, cando usas OnionShare non dás a ningunha empresa acceso aos ficheiros que estás compartindo. Mentres compartas o enderezo web inadvertible dun xeito seguro (como pegalo nunha aplicación de mensaxería cifrada), ninguén máis que ti e a persoa coa que estás compartindo podes acceder aos ficheiros.