OnionShare është një mjet me burim të hapur për dërgimin dhe marrjen e skedarëve në mënyrë të sigurt dhe anonime duke përdorur shërbimet Tor onion. Ai funksionon duke nisur një server në internet direkt në kompjuterin tuaj dhe duke e bërë atë të aksesueshëm si një adresë ueb të pagushme Tor që të tjerët mund ta ngarkojnë në Shfletuesin Tor për të shkarkuar skedarë nga ju ose për të ngarkuar skedarë tek ju. Nuk kërkon konfigurimin e një serveri të veçantë, përdorimin e një shërbimi për ndarjen e skedarëve të palëve të treta, apo edhe hyrjen në një llogari.

Ndryshe nga shërbimet si emaili, Google Drive, DropBox, WeTransfer ose pothuajse çdo mënyrë tjetër që njerëzit zakonisht i dërgojnë skedarë njëri-tjetrit, kur përdorni OnionShare, nuk i jepni asnjë kompanie qasje në skedarët që po ndani. Për sa kohë që e ndani adresën e uebit të paparashikueshme në një mënyrë të sigurt (si ngjitja e saj në një aplikacion të koduar mesazhesh), askush përveç jush dhe personit me të cilin po ndani nuk mund t'i qaset skedarëve.